Heb 8 | NdeIBE | STEP | Isiqokoqela salokho esikutshoyo yilesi: Silaye umphristi omkhulu onjalo, owahlala phansi ngakwesokudla kwesihlalo sobukhosi soMkhulu ezulwini,

Hebrews 8

Umphristi omkhulu wesivumelwano esitsha

1 Isiqokoqela salokho esikutshoyo yilesi: Silaye umphristi omkhulu onjalo, owahlala phansi ngakwesokudla kwesihlalo sobukhosi soMkhulu ezulwini, 2 okhonzayo endaweni engcwele, ithabanikeli elamiswa yiNkosi, hatshi ngabantu.

3 Umphristi omkhulu ngamunye ubekelwe ukunikela izipho lemihlatshelo, ngakho kwakuswelakala ukuba lalo abe lolutho alunikelayo.

4 Aluba wayesemhlabeni wayengayikuba ngumphristi, ngoba bevele bekhona abantu abanikela izipho eziphawulwa ngumthetho.

5 Bakhonza endaweni engcwele eyisifanekiso lesithunzi salokho okusezulwini. Yikho nje uMosi waxwayiswa lapho wayesezakwakha ithabanikeli ngokuthi: “Qaphela ukuthi konke ukwenza mayelana lesifanekiso ositshengiswe phezu kwentaba.”

6 Kodwa inkonzo uJesu ayemukeleyo ingcono kuleyabo njengesivumelwano yena angummeli waso singcono kulesidala, njalo sakhelwe phezu kwezithembiso ezingcono.

7 Ngoba aluba kwakungelalutho olungalunganga kusivumelwano sakuqala leso, akulasizatho esasingadingelwa esinye. 8 Kodwa uNkulunkulu wathola isici ebantwini wasesithi: “Isikhathi siyeza, kutsho iNkosi, lapho engizakwenza khona isivumelwano esitsha lendlu ka-Israyeli kanye lendlu kaJuda.

9 Kasiyikufana lesivumelwano engasenza labokhokho babo lapho ngababamba ngesandla ukuba ngibakhuphe eGibhithe, ngoba kabaqhubekanga bethembekile esivumelwaneni sami, ngasengibadela, kutsho iNkosi.

10 Nansi isivumelwano engizasenza lendlu ka-Israyeli ngemva kwalesosikhathi, kutsho iNkosi. Ngizabeka imithetho yami ezingqondweni zabo ngiyilobe ezinhliziyweni zabo. Ngizakuba nguNkulunkulu wabo, bona babe ngabantu bami.

11 Umuntu akasayikufundisa umakhelwane wakhe, kumbe umfowabo, esithi, ‘Yazi iNkosi,’ ngoba bonke bazangazi, kusukela komncinyane wabo kusiya komkhulu.

12 Ngoba ngizathethelela okubi kwabo, njalo angiyikukhumbula izono zabo futhi.”

13 Ngokuthi isivumelwano lesi “sitsha” usenze esakuqala saba ngesingasasebenziyo; futhi okungasasebenziyo njalo sekuguga kuzanyamalala masinyane.